被摧毁的记忆

都系用翻母语来讲啦，最近发生既事同母语有关。

讲翻周日单也，其实系我睇来，与其话系拯救粤语，不如话系对城市历史被摧毁以及公权力干涉市民生活既一次愤怒既发泄。只不过，点燃伊不可收拾既怒火既，系粤语而已

被摧毁的记忆

长期以来，我地似乎每日正常甘返工放工、返学放学，买车买楼，令生活越来越好。但系，有时突然间想食翻以前阿姨卖个只萝卜牛杂，发现剩系可以系北京路到嚼D完全唔入味既萝卜；有时一早起身想饮早茶，发觉开车行左转条街都无发现一间开茶市既酒楼。我地伊家比以前有钱了，但系个种熟悉D也，已经买唔返来。

可能有D也，真系因为生活方式既改变而不可避免甘消逝。但系另一D更加珍贵既野，却系毁于公权力主导既城市改造活动中。

唔知我地80后仲有几个人记得大马站系边呢？系啊，系广百隔离。我仲记得系我细个个阵大马站有一条麻石铺成既巷仔，入边好多也食既，我同爸爸妈妈每次路过都会忍唔住买个茶叶蛋啊，买串牛杂啊。我仲记得好清楚妈咪指住一间个门槛系用石做既屋话比我听：“伊到系个书院，大马站伊到古代系广州读书人聚集一起读书既地方，伊条巷全部都系书院来噶。”我个阵仲一路行一路“一间、两间、……”甘数落去。个阵既书院一条街，虽然已经变成住宅，不过D建筑都系完好嘎，门面仲好规整。但系伊家，个条巷仔变成左今日由中山五路连接西湖路既路仔，相信好多人都行过，而个D书院，早就全部被铲平，改建成为左个停车场。

我地政府一直话广州人文化素养唔高，要宣传要提高文化素养，自己却大笔一挥批准用停车场取代上百年既书院建筑群。我想问：一个认为停车场比历史留落来既书院更有价值既官员，距有么资格去评价其他人既文化素养呢？唔通将骑楼拆晒起歌剧院就系进步，将D酒楼换成兰州拉面就系文化？

广州人已经系好长一段时间都系经历紧属于自己既记忆慢慢消失，属于依个城市传统文化慢慢逝去。我地都接受紧，因为我地知道，唔见左既也已经稳唔返，可以做既就系把握住剩翻既个D。但系，唔代表我地唔伤心，唔代表我地就心甘情愿，更加唔代表我地会逆来顺受、坐视不理。

长期以来，公权力都系系到毁灭紧依个城市既记忆，当连母语都要摞出来开刀，点会令人唔火滚？

政府新闻发布会到大大声甘讲自己既职责之一系维护本土文化，并罗列距地做左D么功绩。我想讲：如果你真系甘认为，甘就唔该收翻起你既豪情万丈，再望下几多比你毁左既也。个D先系真正评价你既指标。你真系做得好好？或者甘问，你一直有做好过咩？

Advertisement